Nantu à l’isula d’Ibiza, cum’è in Furmentera, ùn ci hè paesi propiu, fora di Vila, piccule case bianche, à bastanza spaperse, senza struttura di cità, situate in giru à e parrochje chì sò quesse à dà li u nome suppostu. Sant Antoni, Sant Josep, Sant Joan, Santa Eulàlia sò e quattru cumune rurale, chì elle stesse tenenu varii paesi, sempre cù u nome di a parrochja : Sant Agustí, Sant Jordi, Sant Francesc, Santa Agnès, Sant Mateu, Sant Rafel, Sant Miquel, Santa Gertrudis, (Mare de Déu de) Jesús...E chjese, cum’è e case, sò elle dinù, basse è bianche è sò i testimoni di a simplicità è l’eleganza di e forme architetturale d’Ibiza.