![](https://www.interromania.com/sites/default/files/styles/image_548xx/public/lezzione3-2.jpg?itok=NF7wdQvv)
Tappa 2
Falendu ver’di u meziornu, ùn si pò fà altru chè cansà si da a banda di Chjurlinu è A Marana cù i so siti antichi è storichi. Ùn mancanu nè ricchezze naturale nè ricordi di a storia dapoi chì i Rumani ci si eranu stabiliti.
È po da cuntinuà a nostra visita, piglieremu u trenu s’è no a ci femu per chè chì ci hè tanti affari à fà è à vede pè issi lochi chì a più parte di u tempu, ci si perde... tempu, ma hè vera chì ci si piglia tantu piacè!
Quì farete cunniscenza cun duie voce puetiche, una di Pumonti (Ceccè LANFRANCHI) è l’altra di u Cismonte (Lucia SANTUCCI).
Dunque, prima, starete à sente l’intervista di Ceccè LANFRANCHI nantu à INTERROMANIA > Rubrica LITERATURA > Rubrica PUESIA > Rubrica E PORTE DI A PUESIA. Issa ragiunata dura 05mn è 25 sec. Vi si dumanda di:
1) stà à sente l’inseme
2) trascrive nantu à carta a so risposta à a prima dumanda ( sinu à 00mn39s)
Dopu, state à sente l’intervista di Lucia SANTUCCI nantu à INTERROMANIA > Rubrica LITERATURA > Rubrica PUESIA > Rubrica E PORTE DI A PUESIA. Issa ragiunata dura 04mn58sec. Vi si dumanda di:
1) stà à sente l’inseme
2) trascrive nantu à carta a so risposta à a prima dumanda ( sinu à 00mn45sec)
Sumariu: