Tappa 3

Hè impussibile di passà custindi senza piantà, ùn fussi chè per fà solu un accennu cortu cortu. U territoriu di Aleria , s’è no u vulemu lacà da banda, ùn ci hè manera chì i ricordi, landani o vicini vicini, ùn a ci permettenu. Mancu à pensà la. Trà a cità antica è l’avvenimenti di a Corsica muderna è tutte e speranze ingiru à sta zona agricula è eculogica, hè un locu di prumesse.

Andemu longu à l’orlu di mare. Simu in piaghja, cum’èellu si dice. Ma nantu à l’altu chì hè sopra, simu sempre “in piaghja”, cum’ellu si dice dinù. È si sentenu duie voce ghjunte, una da a pieve di Verde (P.M.FILIPPI ) è l’altra da A Casinca (Ghjuvan Teramu ROCCHI). Parlanu tremindui di a dicitura puetica è di u so travagliu in lingua corsa.

I vulemu stà à sente?

State à sente l’intervista di Paulu Michele FILIPPI nantu à INTERROMANIA > Rubrica LITERATURA > Rubrica PUESIA > Rubrica E PORTE DI A PUESIA. Issa ragiunata dura 05mn04sec. Vi si dumanda di:

1) stà à sente l’inseme

2) trascrive nantu à carta a so risposta à a prima dumanda ( sinu à 00mn49sec)

State à sente l’intervista di Ghjuvan Teramu ROCCHI nantu à INTERROMANIA > Rubrica LITERATURA > Rubrica PUESIA > Rubrica E PORTE DI A PUESIA. Issa ragiunata dura 11mn49sec. Vi si dumanda di:

1) stà à sente l’inseme

2) trascrive nantu à carta a so risposta à a prima dumanda ( sinu à 00mn56sec)

Traduzzione

Sumariu:

Principià à amparà !