Versione :

Ducumentu
Pasquale Paoli ritratti

Médaillon Pascal Paoli (Bronze)

Médaillon Pascal Paoli (Bronze)

MERUSAGLIA

À chì sente u nome di Merusaglia hè subitu subitu messu à l’intimu propiu di l’identità corsa, cù u so spaziu è u so tempu sputichi. Per via di a so arradichera à u centru di a Castagniccia è per via ch’ellu ci hè natu a prova di pasquale Paoli, Merusaglia hè un locu di primura.

Trà Corti è Bastia, a Castagniccia si hè firmata difficiule da ficcà ci si. L’altitudine media hè di 1000 metri, e strade sò inturchjate è piene à girate, u decoru hè splendidu. Paru ùn ne hà, cù i so pughjali alti è e custere cuparte à castagneti pagni. Inalpellati quassù, nantu serre è elpali sò issi paisoli chì parenu tante sintinelle chì curanu valli duv’elle stane case aghjumpate una cun l’altra, strinte à cantu à chjosi è prati chì li stanu in giru.

U castagnu l’avianu cugnumatu “arburu da pane ». In Corsica ci hè da u neuliticu è i Genuvesi l’anu sviluppatu assai chì ogni paisanu era custrettu à piantà ne 4 pedi à l’annu. In u 1770 a cultura di a castagna facia 70% di a cultivazione, dava una certa prusperità è una pupulazione impurtante si stabilì in issa regione centrale. Per quessa diventò un locu impurtante di a rivolta corsa à l’epica di e guerre di l’independenza.

In cunfine cù a Casinca, à vinti minuti in vittura da u crucivia di Ponte Leccia, dunque eccu à Merusaglia, paese di Pasquale Paoli chì nacque in issi lochi u 6 di aprile 1725. Si sà a storia di U Babbu di a Patria mortu dopu in Londra in u 1807. Dopu e so cennere funu trasferite è poste quì in a cappella di u paisolu chjamatu A Stretta. Issa casa di famiglia hè diventata u museu di Paoli. Ci starà in sempiternu ellu chì dete à l’isula u so distinu di gloria. Issa terra di Corsica hà in issi lochi un triangulu di fama trà Merusaglia, Orezza è Pedicroce. Quì ci sò nate e decisione di issu populu appassiunatu pè a libertà.

È cusì, Merusaglia, Pedicroce è tanti altri paesi è paisoli sopra à un mare di fureste ver’di e terre. In i tempi a regione era pupulata assai. Cum’è in tutte e case di a Castagnaccia i tetti sò belli è ci era, pocu fà, un rataghju pè e castagne.

L’ecunumia hè stata fundata pè u più nantu a cultura di a castagna . Dava da manghjà à ghjente è bestie, ghjuvava pè a custruzzione è l’artisgianatu.

Dopu anu sfruttatu a tinta assai è ci hè statu una defurestazione chì cagiunò u spupulamentu di a regione è a partenza di tanta ghjente. Oghje a regione prova à truvà un altru sboccu cun giovani agricultori chì mettenu à rilancià i sapè fà tradiziunali ligati à a cultura di a castagna.