Versione :

Ducumentu
Dumè Gallet

Dumè GALLET (1957-2013) avia a Corsica arradicata à u core. Era un militante culturale è puliticu indiatu in u gruppu di riferenza di musica corsa « Canta U Populu Corsu ». Ùn si hè risparmiatu mancu à pena in a lotta per salvà a cultura à un’epica chì u statu francese è una parte di u populu corsu era in cunfrontu in un cunflittu armatu assai spessu. Dopu campatu 10 anni in Nova Caledonnia, duv’ellu si era subitu indiatu in a vita culturalekanak, era vultatu à stà in a casa di u babbone in A Riventosa. Era dinù prufessore di viulinu tradiziunale à l’università di Corti, tramandava a musica di l’ »antichi’ da pudè la mantene, è insignava i so valori è in particulare d’apre si à u mondu. Avia capitu chì l’avvene di a Corsica, fussi culturale, suciale o ecunomicu, sò i giovani à avè lu in manu. A musica chì li piacia, cuntinuava à fà la campà cù e veghje di musica in paese. Issa tradizione mettia anima in u cutidianu di i paisani è li permettia di accoglie si inseme.