Message d'erreur

  • Notice : Undefined offset: 0 dans _getNidParent() (ligne 120 dans /home/users5/i/interromania/www/sites/all/modules/interRomania/ir_exercices/templates/theme.inc).
  • Notice : Trying to get property of non-object dans _getNidParent() (ligne 120 dans /home/users5/i/interromania/www/sites/all/modules/interRomania/ir_exercices/templates/theme.inc).
Versione :

Luigi Salvator : Un patrimoniu salvatu

Catalina Homar

In u 1872, cumprendu a prupietà di Miramar, Luigi Salvator cunnobbe à Catalina Homar, una giovana nativa di Valldemossa, figliola di un bancalaru.

A giovana ùn stete tantu à fà si à issa vita nova; amparò francese, talianu è tedescu è accumpagnò sempre l’arciduca, ver’di l’isule iuniane, Custantinopuli, a Palestina, l’Egittu ed e parte di a costa africana.

« à a Jules Verne »

Luigi Salvator si fece un giru di u mondu in cinque mesi, partendu da a Mostra Universale in Melburna è chjappendu pè u canale di Suez, Ceylan, l’Oceanu Indianu, l’Australia, l’Oceanu Pacificu, u cuntinente Nordamericanu, New York, Liverpool, è dopu turnò in Maiorca. Issu giru tamantu è u racontu ch’ellu ne fece stampà in u 1881 facenu pensà à u libru di Jules Verne « Le tour du monde en 80 jours ». D’altronde unu è l’altru fecenu cunniscenza è Jules Verne cantò e lode di u libru di Luigi Salvator.

A munugrafia di E Baleare

« E Baleare, illustrate è cumentate » sò sette vulumi publicati in l’edizione Brockhaus in Leipzig trà u 1869 è u 1891. Hè una fonte impurtante d’infurmazione culturale è storiche di tradizione baleare. Hè un travagliu fine, precisu è ducumentatu bè, senza pregiudiziu alcunu.

Un patrimoniu salvatu

Hè statu unu trà i primi à prumove u turisimu in E Baleare, ma si diceria oghje « Un turisimu di qualità ». Durante i so ultimi anni, fece fà una Posada nantu à u stradone: u stradone di Deià. U stabilimentu accuglia qualunque viaghjatore per trè nuttate. L’allusingu generale vense per via chì tuttognunu appassiunatu pè a natura sapia quant’ellu curava a fauna è a flora di e so prupietà. Oghje chì ghjè oghje, à chì vole pò pedighjà ind’è l’andati di a Serra Tramuntana, si ricorda di quellu chì fù “Rè di Maiorca”.