Versione :

Ducumentu
Suburbia d'Aleria

I SUBURBIA d' ALERIA

è a rumanizazione di a Corsica in u 2ndu seculu di l’Imperu

U tema di i suburbia in Corsica hè paradussale. Di fatti cumu si pò parlà di i suburghi vistu ch’ellu ùn ci hè ma chè una cità culuniale, Aleria, è un solu munimentu non funerariu vicinu à issu locu ? Issa situazione porta à riflette in quantu à i raporti trà a cità è u so rughjone, è pè a Corsica sana, nantu à un territoriu largu : a ci permette l’analisi di e fonte scritte di i primi tempi di l’Imperu

Un paradossu sì, vistu chì a ricerca insegna chì a sola urbs cunnisciuta hè Aleria, une urbs posta nantu à un pianu chì suprana da 40 m una pianura alluviale duv’elli correnu Tavignani, chì vene da u centru di l’isula è u Tagnone ghjuntu da a muntagna urientale. Issu titulu d'URBS, l’hà da u 3u seculu p.G.C., ciò chì li dà un’impurtanza storica assignalata (a cità hè vinta in u 259 è in u 238 sò e prime misure chì l’integranu sottu à duminazione rumana. È tandu studià i suburbia porta, per l’isula, à stende e ricerche propiu al di là di a determinazione di e necropuli fora di i muri, o puru di a definizione di a cunfina trà cità è campagna. Ci porta à riflette in quantu à a logica chì unisce e rete di circulazione, i munimenti in raportu cù u sistema di e vie.