Paulu Silvani, interrugatu trenta anni dopu à l’avvenimenti di Aleria rammenta i fatti elli stessi, schjarisce e cause è insegna e cunsequenze.

1. L’occupazione devia esse limitata in un tempu è chjode si cù un’adunita di i socioprufessiunali chjamati à esse infurmati in quantu à un scandalu ecunomicu è finanziariu, ma a reazzione di u Guvernu, cù l’inviu di una forza armata sprupusitata, allargò u fattu è a so dimensione.
2. Da pudè capisce cum’ellu hè scuppiatu u fattu, ci vole à mette in lume tutti i fiaschi di a pulitica di sviluppu è di gestione di a Corsica, una situazione chì a gravità hè accrisciuta da cause generale cum’è a perdita di u sboccu di l’imperu francese.
3. L’affare di u sborru di e “Fanghe rosse”, i disordini chì sò venuti in sequitu, a manera ch’ellu si hè traduttu ind’è l’opinione, tuttu hà cristallizatu nantu à un episodiu mediatizatu l’inseme di a “quistione corsa”.
4. Tuttu si incricca è si incatena:a numinazione di un vescu corsu, u parcorsu di i clubs corsi in pallò, hè cuncernata tutta a vita corsa.
5. E prime viulenze affaccanu cù l’azzione di un primu muvimentu clandestinu.
6. Hè iniziatu un tira è molla trà a rivendicazione corsa è u guvernu: à buleghju à misure severe è dichjarazione malandate, qualchì puntu pusitivu spunta: prime misure pè a lingua, primi fundamenti di l’università.

Dunque Aleria si face vede à tempu da principiu di un’epica altra, ma ancu risultatu di unepochi di prublemi puru palisati.