Gruppu di cantu pulifonicu "A VUCIATA"

Natu cun l’adunita di unepochi di passiunati di a Cultura corsa, issu gruppu a so ambizione hè di fà cunnosce e maraviglie di u cantu pulifonicu corsu, u prufanu quant’è u sacratu.

"A Vuciata" hè fatta cù sette cantarini :

Bassu
Alanu FRANCESCHI
Ghjuvan' Marcu MICHELANGEI.I
Bartranu COUTIER

Siconda (è bassu)
Petru Paulu MUZY
Ghjuvan' Petru POGGI

Terza (è siconda)
Ghjuvan' Petru GIORGETTI
Riccardu FILIPPINI

L’anima corsa pare difficiule à entre ci certe volte !

Spessu accresce u ghjargalu di vuciate di ogni generu, chì venenu ad accresce u sborru i pregiudizii sinu à fà lu trasundà.

Ma quellu di "A Vuciata" hè propiu un altru affare I

Hè un sonu chì corre, ribombu è voce... una surghjente zirlata à mezu à granitu è matticciu. Scava a terra à u più fondu di l’anima soia, ùn stà tantu à esce dinù ad orlu di machje è fureste, è compie a so corsa in l’acqua turchina di u Mediterraneu, è spessu a si porta ver’di terre d’esiliu un currente di capricci. Ùn stancia è sequita u filu tortu di una via seculare, chì hà vistu un’epica chì a puesia si catava, è ballava à u scandu di u core umanu.

"U tempu ùn rispetta chè ciò chi si face cun ellu*"

Noi chì stemu nant-à altre sponde di u Mediterraneu, avemu vulsutu tramandà l’opere di i nostri antenati purtendu cultura è lingua nustrale, " fendu corre a vuciata " sempre più inlà, da ch’ellu ùn si perdissi mai u chjassu di a nostra identità.

A Vuciata. (Le bruit qui court...)

* Le temps ne respecte que ce qui se fabrique avec lui.

CD  Titulu 5

Paghjella

E MUNTAGNE D'OREZZA

Sò le muntagne d'Orezza
Chì mi anu resu felice

U cantu di lu culombu
Cun quellu di a pernice

Chì ci teniamu caru
Tuttu lu mondu la dice