In I Travagli è i Ghjorni, Esiodu volta spessu nantu à Demetera è ci informa cun parechji particulari in quantu à i riti religiosi da favurizà a fertilità è u travagliu di a terra. Issa dea si vede ch’ella hè una trà e divinità più à favore di l’omi è li piace a pace è l’attività. Parechji autori sò di accunsentu dicendu ch’ella ùn era trà i dodeci di l’Olimpu postu ch’ella preferia stà in e campagne.

Secondu Pausania in a so Descrizzione di a Grecia, in tuttu u paese ci eranu tanti è tanti tempii è santuarii dedicati à Demetera è facenu vede quant’ella era venerata.

Demetera fù unurata in i misteri d’Eleusi, un cultu chì celebrava u vultà di a vita è u ciculu di e sighere. L'Innu omericu à Demetera porghje a descrizzione più bona da pudè ci ducumentà in quantu à l’origine di u cultu.

L’unuravanu dinù durante i misteri di Samotrace cù a forma di a dea Axieros, dea principale di i Dei Maiò.