RUGGERU II DI SICILIA.

UN NURMANDU IN LU MEDITARRANIU

Ruggeru di Sicilia nasce versu u 1095. À u XII^esimu seculu in Palerma un rè mette in ballu una amministrazione parfiziunuta chì li parmette di mantene u so riame è di crià leie cun l’altri mondi.

Hè statu ilaburatu un « codice » pà u dirittu publicu è privatu. Inghjenna un pristigiu tamantu pà Ruggeru II. Tandu i Stati nurmandi s’imponenu cum’è una putenza ecunomica di prima trinca. U rè hè in leia cun l’omi più impurtanti di issu mondu. Hà una vulintà tamanta di unione trà l’Uccidente è l’Uriente. Nasce una pruduzzione artistica impurtante. Ruggeru II s’intaressa dinò à e tenniche è à e scenze. L’opara intillittuale più famosa di u so regnu sarà l’ilaburazione, sottu à a dirizzione di un giografu di fama, di una planisfera, una carta di u mondu parfetta. Issu rè more in lu 1154.