U situ di Paddaghju, ci si ghjunghje da a D48 è dopu un chjassu di  2 chm chì partendu da u ponte d’Avena piglia à nordueste à 3 chm da Tizzà. Hà impressiunatu l’imaginazione di u populu cù a so infilarata eccezziunale di più di duiecentu stantare di u megaliticu (2000 à 1500 prima di G.C.). Hè statu cunsideratu un palazzu venutu da tempi landani è certe volte ancu da “cimiteriu di i Turchi ».

Issi monoliti sò urientati da nordu à sud, cù unu solu da l’este à l’ueste. Tutti anu una forma umana, puru s’elli ùn sò cunsiderati da statule-stantare. Roger GROSJEAN l’avia chjamate stantare protoantrupumorfe.

Solu trè sò urnate cun spade o cultelle (Paddaghju I, II, et III).

Issu situ, cù u scavu di u cascione ci si hè pussutu mette a data di l’età di u bronzu.

Issi filarati sò a ligna più maiò di stantare in u Mediterraniu.