Versione :

A signora Bjelohradski si basgia u pappagallu

Suttu à un ponti un omu spazza a staddaccia di i culombuli,
È a pulvariccia.
Sò anni è anni ch’iddu spazza l’anni.
Davanti à a casa, a guardiana caccia a nivi
È spula a sigatura, chì pò fà,
Sò anni è anni ch’idda spazza l’anni.
L’annati chì buddani di suttu tidda
Affuculati, nantu à a brusta.
A nivi d’inguernu s’hè inghjottu fogliuli,
Fogliuli arrughjinati à sangui,
Fogliuli allisciati à puisia. È chì pò fà.
A signora guardiana si basgia u pappagallu.
Battachjulighja à traversu à a cabbia. Chjuchjulighja l’annati.
Firmemu ci una stundaredda, chì quista ùn s’hè ma intesa :
A signora guardiana si campa à biffà lu.