À l’abrucata, dui donni, mì
Dui donni à l’abrucata
Da u tarrazzolu vinizianu
Si sò passati,
Da l’una à l’altra una sarpi
Una sarpi fina fina
È quiddu affari t’avarà ancu cummossu
Quiddi chì coddini i sarpi à mani nudi
Quiddi chì i sponini à a luci di u soli
È dinò quiddu ghjuvanottu quì in carrughju
Suttu à quiddu tarrazzolu
Chì si riguara un mandili biancu
Cascatu da u saccu d’una puttana.
Ma ch’avarani pattighjatu issi dui donni ?
È ch’avarà vintu issu ghjuvanottu cù quiddu mandili biancu ?
Fora d’una vitaccia svargugnata !
È ghjeu, mi socu guasi guasi framissu à quidda vita, aghju guasi
Falatu i scali versu a cità.