Sottu à u celu turchinu
Induv’è u mare basgia a terra,
Un’isula s’alza fiera è sulitaria
Beculu d’eroi, di legende è d’amore
A Corsica, a mo isula, a mo terra nutritora.
O Corsica, isula di bellezza, di muntagne ciotte in mare
A to storia millena, un tesoru à preservà.
I to paesi appesi, i to alivi centannunchi
E to pulifunie, e mo radiche ancurate.
Da i to chjassi erti à e piaghje d’arena fine,
A natura salvatica, divinu spettaculu,
Nant’à e muntagne, si pesa u sole,
Un’era nova, un sognu si tesse.
E voce d’un populu s’alzanu in coru
A libertà luce in i nostri cori.
Corsica, o a mo isula bella, sì libera,
I to figlioli cantanu è festighjeghjanu.
L’avvene hè nostru, cù a forza è a fede,
In un solu core, caminemu tutti inseme.
U marosu murmura storie
Di curagiu, di lotta è di vittoria.
L’antenati surridenu da e stelle
U nostru destinu si spantica inseme.
Dapoi tè, u mo core hè cum’è chjappu da u libecciu, ciambuttatu da l’onde di a sperenza è di u dubbitu. Cum’è quandu m’aspettava tù davanti à u « Régent » per andà à vede « Le hussard sur le toit » mentre chì Luz Casal susurrava « Piensa en mi » à a radiu in a mo vittura. Era tandu a prumessa d’una felicità à vene, una strinta impalesa.
In i to ochji turchini, aghju credutu annigà mi
Un miragiu, un’illusione, un infernu à pacà.
Prigiunera di e to parolle, di i to surrisi burladori,
Persa in e to ombre, da i mo valori, luntana.
Un pesu nant’à u mo core, dipendenza affettiva
Ti chjamu à l’aiutu, ma ùn ci sì più.
Incatinata à e to catene, ùn mi possu svulà,
Prigiunera di i to chjochi, m’aghju da trafalà.
T’aghju sacrificatu tuttu, u mo pregiu è mè stessa,
Per piace ti, sequità ti nant’à to strada
Sottu à u celu turchinu d’issa Corsica salvatica,
I venti cantanu una dolce meludia,
U Capicorsu, cù i so sciappali bianchi
È Canari, beculu di a mo storia.
O Capicorsu, induve u mare è u celu si scontranu,
Canari, induve i mo ricordi cantanu è campanu,
Nant’à i to chjassi, sottu à e stelle, mi ne vogu.
L’alivi murmuranu canti anziani,
In u paese, u tempu pare suspesu
E case di petre grisge, contanu i destini,
Sottu à u sole, l’istante hè spapersu.
Resilienza, forza chì cresce, di e to piaghe guarisce,
A luce splende in l'oscurità, di e to cennere rinasce.
Chè tù guarischi, o core feritu, di tanti guai,
D’issi dulori muti, d’issi pienti sulitari,
D’isse paure nutturne, d’issi dubbiti impetuosi,
D’issu pesu di u silenziu, d’isse catene, d’issi carichi.
Resilienza, forza chì cresce, di e to piaghe guarisce,
A luce splende in l'oscurità, di e to cennere rinasce.
Chè tù guarischi, anima sfrisgiata, di e to ferite,
Sottu à pini è castagni sò nata
Induv’è e muntagne in mare ciottanu
Ogni soffiu di ventu hè una melodia
Di a mo terra cara, mai ùn mi spiccaraghju.
In terra corsa vogliu sempre stà
Induv’è e stelle spampillanu
E i canti di l’acelli ribombanu
Ogni petra, ogni arburu, una storià à cuntà,
Sò d’issa terra è ci vogliu campà.
In st’isula s’infiltranu e mo radiche
E piaghje innurate, i chjassi salvatichi è e culline
Quande, in ‘ssu paisaghju sacrale, u sole si ciotta
Nant’à e muntagne è in i valli
U ventu canta secreti dimenticati.
L’anime corse sognanu di libertà,
In u so core, una brunasgiata sacrata.
O Corsica, terra di i mo antenati,
U to sognu d’indipendenza ùn si ferma di cresce.
Sottu à u sole o e stelle abbagliante
Camineremu, liberi è gagliardi.
Da i liti annurati à e zeppe fureste,
In un ballu s’uniscenu e voce.
Ogni petra, ogni fiore canta
A brama ardente di l’indipendenza.
O Corsica, terra di i mo antenati,
Sottu à u celu azuru di u Mediterraniu,
A fiera terra di Corsica, isula d’eternità,
Da e muntagne maestose à e piaghje innurate,
Conta a storia di libertà.
O Corsica, terra di passione è di fierezza,
Teni ti in tè l’anima di a libertà.
I to paisaghji, un tesoru d’eternità,
U to core batte à u ritimu di l’umanità.
I canti ribombanu in a machja salvatica
E voce di l’antenati ci guidanu à viaghjà,
Da Bastia sin’à Aiacciu, u patrimoniu
D’una terra di storia è di curagiu.
