Ragiunata
Telefunendu

Letizia : Ma chì face Marcella?
Maria : Telefuneghja !
Letizia : Torna ? Face più d’un’ora avà !
Maria : Parla cun Petru.
Letizia : Issi dui custì, ùn si cappianu mai !  L’hà digià chjamatu eri !
Maria : Ma chì pò fà ? Anu affari da dì si è basta…
Letizia : Ah ! per quessa dì la puru, ma cusì avemu da esse in ritardu pè u spettaculu !
Maria : Ma calma ti calma ti. Sò 6 ore è u teatru apre à 9 ore.
Letizia : Trè ore per fà cinquecentu metri, un chilometru à u più ! Vogliu crede…
Maria : Iè, ma ùn simu nè in Bastia, nè in Aiacciu. Quì in Nizza, ùn manca a ghjente.
Letizia : Quessa po nò. Aghju lettu nantu à Youtube ch’elli anu vindutu tremila piazze pè u cuncertu!
Maria : Anu ancu pensatu à fà lu in un stadiu è po, à l’ultimu, ùn l’anu micca fatta.