O, quellu tempu chì passa...ne parlemu ? Nò...ma... perchè chì, avà mi vene u laziu di sciaccà li una lagnanza ! U tempu...issu grossu mullizzone ! Ghjunghje cusì, lestu lestu, in modu : "heu ! Sò quì ! Emu da campà ci ! Hè ora di fà pazzie..." È d'un colpu, senza prevene.... Và fà ! Ti sciacca certi sciambuloni ! Pattoni da per tuttu ! À mez'a faccia, nant'à u corpu è à u murale... nèh !

A storia di l’impiccati di u Niolu hè un avvenimentu dramaticu è miticu di a nostra storia, accadutu u 23 di ghjugnu di u 1774. Hè un fattu chì illustra a resistenza salvatica di i corsi di fronte à l’autorità francese, insediata da pocu tempu nant’à l’isula.

Dapoi tè, u mo core hè cum’è chjappu da u libecciu, ciambuttatu da l’onde di a sperenza è di u dubbitu. Cum’è quandu m’aspettava tù davanti à u « Régent » per andà à vede « Le hussard sur le toit » mentre chì Luz Casal sussurava « Piensa en mi » à a radiu in a mo vittura. Era tandu a prumessa d’una felicità à vene, una strinta impalesa.

              L’annu 2165 si stindia sott’à un celu di piombu, una tela grisgia chì avia rimpiazzatu l’azuru. I pochi sopravviventi, spapersi in ricoveri di furtuna o cità arruvinate, purtavanu u pesu d’un modu frantumatu, l’eredità di 2024-YR4.

A parolla « Kintsugi » li girava in capu dapoi à sta notte, cum’è una meludia affannosa, dolce è malinconica à tempu. Kintsugi. L’arte giappunese di riassestà terrame tronche sottulignendu e venice d’oru, rendendu l’ogettu più bellu è di più preziosu.