Josep Antoni Guillem Ripoll

Sò in Sant Antoni de Portmany, una cità situata in fondu à a baia nantu à a costa ueste di l'isula d’Eivissa.
1u pezzu
U dialogu trà u piscatore è quellu chì l’interrugheghja corre nantu à a variatezza di i pesci piscati, i so nomi lucali, e cundizione meteurulogiche chì anu a so influenza nantu à a quantità è a natura di i pesci ch’omu arreca in portu…

2ndu è 3u pezzu

Avà si tratta di u sistema di a so pesca, di a lungura è putenza di e barche aduprate, di a ghjurnata di un piscatore, quant’ella dura da l’alba à u dopumeziornu.
Una dumanda in particulare porta nantu à issa pesca tradiziunale chì adopra boi accuppiati è chì da a terra, tiranu un sistema di rete arregulati cun pisoni. Ùn entre micca in i particulari di a descrizzione tecnica è rimanda à a “ghjente chì sò nantu à a terra” un travagliu di cinque o sei ore chì u piscatore ùn pò aghjunghje à a so ghjurnata bella zeppa di dodeci o tredeci ore.
Altre cunsiderazione ch’elli discorrenu sò i punti duv’ellu si và à piscà, cum’elli si ritrovanu è cum’elli si chjamanu, cù i segni rimarcati nantu à a costa. Una cartugrafia di i lochi è di i segni (u piscatore ne ammenta unepochi cù i so nomi, ma preciseghja chì ellu usa una sonda ma micca i segni) duv’ellu ci hè più facilità pè una pesca pussibule, chì ùn sò micca un secretu, ma dumandanu una bona cunniscenza di u rughjone maritimu.
Per finisce passanu in rivista i varii modi di pesca, l’arnesi necessarii è i pesci è robba di mare ch’elli permettenu di buscà.