Versione :

CAPDEPERA

Un viaghju pè iss'isule linguistiche

CAPDEPERA (Maillorca)

Amore di i lochi ; arte di i spurtelli, carri, carretti è cabriulè.

Jaume Corbera và à rende visita à trè abitanti di Capdepera, in a cumarca di Levante, à nordeste di Mallorca


Pep Vives
U testimone interrugatu insegna cun passione è amore i lochi, valle, pughjali, vaglini è fiumi, monti è foce di u so rughjone. È incalca i nomi d’issi lochi chì cantanu pueticamente in a so descrizzione mentre a camerà seguita u segnu du l’omu. : sa Cala, s’Heretat, sa coma des Garballó, sa Tortuga, sa biga de sa Serra, puig Revell, coll de na Xarec, sa coma de s’Arboçar, puig des Corb, puig Negre, puig d’en Pere, coll des Provençal, puig de ses Maletes, Font de sa Cala, coll de s’Amo.
Magdalena Sansó è Pep Vives spiecanu l’arte di fà spurtelli è sporte è in generale ogni ugettu chì dumanda di intreccià palme. Tutti è trè mettenu tanta primura à ammintà issa civilizazione di una volta chì era quella di u barattu : accennanu à tante cose da a scelta è a cugliera di e palme, a manera di fà l’intrecciu è ancu u modu ch’elle si spezializavanu e mani dritta è mancina.
Magdalena Sansó, Pep Vives è Biel Sansó
Parlanu dinù di carri, carretti è cabriulè, da quelli usati da carrià ugetti è robba à quelli, più di lussu è di cunfortu, cun suspensione è tenda, da purtà a ghjente senza ciambuttà le. Un’epica di barattu è di sgualtrezza manuale.