Sò tessuta
di rossu
rossu stracciatu
di a cinta russiccia
intinta di u sudore settembrinu
di tutte e sichere.
Sò tessuta
di verde
verde di u mandile verdognu
strettu à collu per e strade di u straziu
di tutte e figliere.
Sò tessuta
di turchinu
turchinu di u scuzzale sculuritu
cusgitu è ricusgitu da a manu stroppia
grembiu di u stantu stancu
di tutte e cugliere.
Sò tessuta di negru
negru di e rubacce negre
indulurite da i doli doppii
di tutte l’angunie.
Institutrice, conseillère pédagogique puis inspectrice de l'Éducation nationale, Lucia Santucci a toujours associé l'éducation avec l'illustration de la langue corse. Aujourd'hui à la retraite, cette militante de la langue corse poursuit son oeuvre d'écriture à Luri où elle a enseigné pendant quelques années. Elle a d'abord exercé comme institutrice à Paris avant de rejoindre la Corse dans les années soixante-dix, en pleine période du « riacquistu ».
Rigiru, une revue d'avant-garde
Ere una giuvanotta ed eiu un zitellucciu
Ogni tantu dicie : Alò fammi un basgiucciu
È ti basgiava o mà, forte forte cun brama
Cumu solu a sà fà un figliolu à a mamma
Ch’o mi n’andessi à corre pè u grataghju à pena
A fà mangani appesu à a nostra catena
Ti sentia pichjà di mani da u lettu
Venia à ditti : O mà chì ci hè ?
Tù cun affettu facie una carezza à e mo chjome bionde
Cumu sapè chì conte eranu e to stonde
Cumu sapè chì stava à curatti à e porte
Dopu affanni è dulori a manu di a morte
Notte seta cincinata
Da e sirene annannata
È sbuccia lu misteru di terra chì trema
Purtata da un marosulu di sole
Struttu da un altru sole viulente è puru
Mughju à u spuntà di l’alba
Coltu à u cantu di e fate
Mossa chì disceta lu ghjornu
Forza appesa à lu mio sognu
Notte mele sussurata
Da li celi appaciata
È giranu li soli o magia celesta
Di l’universu persu è ritrovu
In un chjerchju infinitu viulente è puru
Zocculi d’oru longu un raggiu di luna
Cavallu moru luccicheghija la chjoma
Chjoccu di e so ale flussu è riflussu di u mare
Slancciu di a so voce canta è c’incanta o cusì dolce
È fughjenu li mondi
Luna nuda
Luna imbalsamata
Sì la musa
Di sti celi
O Damicella fatata
Zocculi d’oru un manellu di stelle
Cavallu biancu soffiu di cialamelle
Celu ch’inganna spechju trafuratu da e speranze
Da tanti surisi di u ghjornu ferma lu to sguardu
È tandu m’innamoru
Vulia solu
apre l’albe
una cria.
Solu,
un fiatu di sole
nant’à u toiu
addurmintatu.
È, tepidinu,
quì duv’hè nudu
lu to spinu,
u nodu sfattu
da la to pelle à la so spira.
U riposu
nantu à una manu,
è sopr’à una rena
pettini a sirena
in un’ansciu allibratu
à la vita chì dorme.
Scioglieria
d’amore
e sfiere
d’un turmentu :
u giru d’un mumentu
à l’ombra
di l’amanti...
