ANTULUGIA DI A LITERATURA CORSA

Scontri di 29.12.2018

 

Petru Santu Menozzi, Anghjulu Santu Pietrera è Julian Mattei anu scrittu in lingua corsa un viaghju in a Corsica literaria da i primi testi cumposti à quelli chì escenu oghje. Issu... librone hè in preparazione à l’Edizione Albiana. Intantu ch’ellu esci stampatu, i trè sapienti è militanti anu messu à fà cunnosce i cuntenuti d’issa futura publicazione cun cunferenze è baratti cù unepochi publichi. Vi prupunimu di vede è sente e “stonde” ch’elli anu animatu à u CCU in Corti. Sò state in data di i mercuri di i scorsi trè mesi:

  • “Chì dicenu l’antulugie di a literatura corsa?” (26 di settembre)
  • “A stampa di a storia di a literatura” (14 di nuvembre),
  • “Vattelapesca cuntempuraneu?” (5 di decembre)
  • “A puesia: u filu è e rumpiture” (12 di decembre).

Saranu torna 5 appuntamenti da ghjennaghju à marzu chì vene:

  • A canzona cum’è ogettu literariu?
  • U disincantu, una scola literaria?
  • E vie folte di u rumanzu
  • Spressione/scritture teatrine
  • Una literatura plurilingua