Caminu

Zittades crudeles e feminas istranas, fogos istudados amigos ingratos
Filastrocca fastizzosa de tantas dies passadas
Zittades feminas de una bolta e cumpanzos immentigados...

Coment'est ingiaittada e ribattida
E pro sempre intro 'e a mie interrada
Sa segnorina de una bolta
Chi fateit suffrire e si ch'est andada
In unu sonniu torrat semper
Zittades una indiaulada piena de istoria e de cantones
E un'atera chi brujaiat de sole e de passione
Hoe sunt chijina ispalta in carrelas chenza numene.

In custas zittades dementes mori mori
Su 'entu istrappazzat sos istradones
Comente su 'entu ch'asciutteit
Sas andalas de Gerusalemme
E sa Via Crucis

Sa maga Circe e Calipso giughent sas differentes cadenas issoro
E sa giovana Nausicaa chi ameit su re infelice si nd'ammentat
Ligadu a s'alvure mastru pro ascultare su cantu 'e sas Sirenas
De vida e morte e libertade
De su viaggiu de s'omine e de su sou isforzu
Cun s'amigu tantu amadu
Nde torramus a arrejonare
Cando nos hamus a incontrare in campusantu
Feminas amigos e pustis zittades filastrocca de sas dies
Attaccamentu chenza valore e attesade sas torradas
Ècco su meu viaggiu ècco sa residenzia mia