Versione :

Ragiunata
Cantu: Lamentu di u trenu

A CANZONA DI U TRENU

O lu trenu di Bastia
Hè fattu per li signori
Pienghjenu li caritteri,
Suspiranu li pastori!
Per noi altri osteriaghji
sò affanni è crepacori!

Anghjulì lu mio Anghjulinu
Pensatu n'aghju una cosa,
Quandu passarà lu trenu,
Tira li di mitragliosa!
È li sceffi chì sò drentu,
Volta li à l'arritrosa!

(Parolle di Maria Filice Marchetti; Musica tradiziunale; Racolta da Saveriu Tomasi; Trascritta da Filice Quilici)