Ragiunata
Amparà à a scola

Fabianu : - Buh ! tutte isse lettere ! Ùn ci capiscu nunda !
Stella : - Perchè parli cusì ! Sò faciule. Tè, e vucale : a, e, o, u.
Fabianu : - è iiiiiiii ! Pè e vucale và bè, ma u restu ?
Antone : - Aiò, o zitelli, ùn hè cusì difficile. Alè, mi guardate : cacciu e vucale è mettu e cunsunale.
Fabianu : - b, c, d, f, g, l, m... è dopu ?
Lucia : - n, p, q, r, s, t, z.
Stella : - chj, è ghj, induve e metti ?
Lucia : - Pianu pianu ! Sò lettere intricciate quesse. Hè un altru affare.
Antone : - È po ci hè ancu h !
Fabianu : - Dunque, ùn finisce mai ?
Lucia : - Innò, hè semplice. Eo pigliu chj, u mettu cù ghj, è face...
Antone : - Un discorsu intricciatu
Fabianu : - Vi ridite di noi, ma ùn sò chè dui mesi ch'è no amparemu à scrive in corsu.
Lucia : - Ridimu, ma micca per dispettu. In matematica, cumu si passa ?
Antone : - Unu è unu, dui...
Stella : - Bravu ! felicitazione !
Fabianu : - Dui è dui ?
Antone : - Quattru !
Stella : - Bravu ! Cumplimenti !
Lucia : - Trenta menu quattru ?
Fabianu : - Vintisei.
Lucia (à Antone) : - È trentottu via sei ?
Antone : - ...
Stella : - Duiecentu vintottu
Antone : - Pezzi ! Ùn hè micca una sculare ! Hè un urdinatore !
Stella : - Pè addizione, sustrazzione è multiplicazione, và bè.
Fabianu : - Hè quessu u castigu di i sculari ! A divizione.
Lucia : - A divisione ! U prublema di i sculari.