Versione :

Ragiunata
U Clima

À a Corsica u so carattaru u li danu l'acqua, ricchezza maiò di l’isula, è a muntagna. A bundenza di l'acqua in Corsica hè senza paragonu incù l'altri isuli maritarranii. Fiumi è vadini corsi sò di carattaru maritarraniu, veni à dì impituosi è rigulari micca. U più, a pendita hè forti in sinu à a piaghia induva u fiumu s'arri-quieghia. Par via di a pendita, a tarra bii pocu acqua, masimu dopu à l'istati. À dui epichi di l'annu corri  l’acqua à bundenza : di nuvembri/dicembri, è dopu, di branu quandì a nevi sdrughji. À partasi da ghjunghju u fiumu si secca è torra un filu d'acqua.

In fatti a muntagna corsa snatura u clima mari tarraniu : da sopra à 600m hè un clima più cuntinentali; diventa guasgi alpinu francatu i 200 m.

A influenza di u Maritarraniu cresci i timpiraturi di a Corsica marittima. I timpiratu­ri sò dolci fora di l'alti cimi. Ma par via di I' altitudini è di a so impurtanza a munta­gna s'imponi. I cutruri sò forti ma durani pocu.

A latitudina (420 latu nordicu) dà soli tutta l'annata. Suventi a spusizioni di i tarri, si distingui umbricca è suliva..

L’acquera

Si ponu cuntà 890 mm di midiana à l'annu è più di dui metri d'acqua francatu i 1200m. Da ogni latu soffiani i venti d'acqua. A quandu piovi à riboccu, à quandu si stà senza una candella d'acqua. Dui coppii di mesi piuvosi : nuvembri/dicembri è frivaghju/marzu.

I rughjoni climatichi

Clima maritarraniu in piaghja, da a marina à 600 m : catarzu, luminosu, assai assuliatu, venti forti, ruzzati d'inguernu, sicchia d'istati, issu clima tocca à più di 60% di l'isula. A timpiratura si teni trà 14° è 18°, ma pò falà da sottu à 5° è francà i 30°. Piovi à bundanza: 800 mm à l'annu in 70 à 80 ghjorni. I staghjoni sò pocu stagliati : un branu à scappera, vaghjimu dolci è longu, inguernu cuntrastatu da più à menu, sicondu l'altitudina, l'istati in ogni locu, caldu è seccu.

25% di l'isula hè trà 600 è 1 200m. Hè a muntagna corsa tipica. Inguerni freti incù a nevi.A maiò parti di i paesi sò trà 800 à 900 m Più in altu, in la muntagna pastureccia, ùn ci stà nimu francu l'istati. Piovi trà 800 è 1500 mm à l'annu è neva abbastanza à spessu. I staghjoni sò più stagliati : inguernu longu è fretu, branu malgraziosu, vaghjimu dolci.

Da sopra à 1200 m,hè un clima di sumiglia alpina, cù venti viulenti chi spazzani l'alti cimi è nevi chi teni l'annata à um­bria. A furesta ùn franca micca i 1700 m. Lariciu, faiu, ghjallicu piddani u seguitu di u pinu è di a leccia. Più in sù ci hè sparguli, alzoli è poca arba.

Extrait de « Parlemu corsu 3 », Squadra di u Finusellu, 1990, Ajaccio