Baratti cun Rosa Alice BRANCO

Antulugia di a puesia corsa in purtughese

Scontri di 27.12.2012

 Azulejos?

Antulugia di a puesia corsa in purtughese

   Puetessa di nomina in Purtugallu è paesi lusofuni, editrice, prufessora di scenze di a percezzione in Porto, Rosa Alice BRANCO travaglia cù i scrittori è pueti corsi dapoi una decina d'anni. L'edizione Albiana anu publicatu in lingua corsa una racolta di soiu ind'è a cullezzione "E Cunchiglie": Cumpità u ghjornu (2009, Aiacciu).

   Hà fattu cunnosce a spressione di quì in u so paese è dinù in parechji ambienti puetichi cum'è i festivali è scontri puetichi duv'elli si scontranu scrittori di parechji paesi. À misura ch'elli si sbucinavanu issi scontri hè nata l'idea di un'antulugia di a puesia corsa in purtughese. U prugettu ghjunghjerà à cunclusione frà pocu. U libru sarà spartu ind'è l'ambiente edituriale è librariu di Purtugallu. Intantu, andate à sente puesie corse in purtughese (in a rubrica Literatura>Puesia)