S’è tù vai luntanu

S’è tù vai luntanu porta mi
un fiore o qualcosa :
una curiosità.
Porta mi una ghjemma di lotu,
una scaglia di mare
induve ellu ghjaccia,
un tubinu piumatu di u Titicaca,
una piuma d’indianu veru,
un idulu africanu ;
u perfidu papaveru d’Oriente
o a gommosa lacrima
di l’evea amazonico.
S’è tù vai luntanu conta mi
di a frenesia di culori
chì avvampa
l’ascetiche aurore bureale,
di i paesi chì anu da cunfine
i venti è u nunda ;
raconta mi di e ghjente
chì animanu di fatica u mondu
cum’è l’ape i bugni di veranu,
di l’istintive prucessione di l’ocelli
migranti in l’equinozzi,
di e tante strade percorse.
Ma ricorda ti s’è tù vai luntanu
d’ùn portà lacrime d’omi
d’ùn contà doli di ghjente
chì quì lacrime è dulori
l’avemu da sempre
da passatempu di u campà.