Cappiemu puru tuttu in pianu. Pè oghje basterà. Hè a fine di a ghjurnata, ma hè un mumentu da gode si à fondu. Simu in punta in punta à u Seninu. Un belvedere postu à 600 m è più sopra u marinu. Quallà nantu à a diritta, in fondu, u vidite u Capu Rossu ? Hè quellu di u primu ritrattu.
Dopu nantu à stu terzu ducumentu, avemu longu à a passighjata chì porta à u Seninu: luntanu quallà ci hè Portu nantu à u latu mancu di a vista,è sopra e cime di Capu d’Ortu è Capu à u Vitullu. Vi dicenu qualcosa issi nomi? À mè quandu ci pensu, mi ribombanu in capu è mi facenu sunnià.... Quasi quasi mi scriveria un puema, mi scriveria...
Alè, capiscu ch’è vo siate ammirativi ma ùn state cusì à bocca aperta è passate à u secondu ritrattu ! Dunque avemu u golfu di Portu, a riserva di Scandula à manca è u Monte Seninu à u centru.
U fighjate u primu? Hè ciò ch’ellu si scopre da in cima à a torra genuvese di Turghju, alzata nantu à u Capu Rossu (à 300 metri –o pocu ci manca- sopra à u mare) è ci si ghjunghje dopu marchjatu una cria à l’ueste di Piana.
FESTA DI A LINGUA:
E fisce PDF, e pudete fighjà quì sottu. Cù a figuretta quassù in cima di u ducumentu à dritta, puderete apre issu PDF in un’altra pagina. Cusì si pò vede nantu à u scraniu sanu.
In fondu di a pagina, una leia vi permette di telecaricà isse fisce PDF.
(Adattazione in corsu di u racontu di Vincenzo ADRAGNA)
È colla è colla per quella stradaccia di Sant'Anna versu Monte, u trapanese era stancu mortu è sudatu intintu è li paria di ùn ghjunghje mai è u sole altu paria ch’ellu sciappessi non solu e petre, ma puru u so capu, chì li pichjava à i sensi.
Ghjuntu ch’ellu fù à certe case à l’ombra sviò una cria a strada per arreghje si sott’à unu di quelli arburi maiò chì davanu friscura è chì si vidia da luntanu....
Petru Paulu era un Mulinaghju felici di i parti di Bastelica. Parchì a so moglia, Mariannuccia, era parfetta, com’ ùn si ni truvà pocu :
U maritu avia sempri a raghjoni, ch’eddu fessi bè o mali !
U mulinu ùn avia più tantu raportu pà vià chì a farina ghjunghjia menu cara pà u battellu. Allora Petru Paulu dissi à Mariannuccia :
-« O Mariannù, u megliu saria di venda u mulinu è di cumprà una bedda vacca, avariami latti in quantità è tutti l’anni, un viteddu à venda.
Prix du Livre corse : le cru 2020
bientôt récompensé
Par: J.-P. G. Publié le: 24 septembre 2020 à 15:17 (Corse-Matin)
