Versione :

U VARDATU-VERDATU

 

1-U chjassu chì parte da Lozzi cullendu sin’à i stazzi di A Petra Pinzuta si pò dì ch’ellu face vede ch’ellu ùn hè faciule faciule. In certi passagi hè sbundatu è ci vole à piantà strada facendu , ver’di 1300m di altura, dopu tante girate. È puru hè ciò chì ci vole postu ch’ellu passa da custindi da Lozzi à U Cintu.Da i stazzi di A Petra Pinzuta si và sin’à u rifugiu di l’Arcu passendu pè un chjassu faciule è comudu assai. Dopu à custì, chjassu ùn ci ne hè più solu qualchì cairn è assai petricaghja...

2-Verdatu (2583m). E ciriole spessu e truverete in cima à e muntagne, ma questa quì era in cicculata 
Infilarati eccu à Selula, Ciuntrone, Cintu luntanu, in i nebbioni di u Sahara.

3-E particule appese per aria lacanu quantunque vede è apprezzà Lavu maiò, Ghjarghje rosse è Ochji neri.

4-Una partita di saltamufrinu ! Andate chì sò rinnascu, a sò cosa aghju da duvintà! Mufrinu sì, ma micca per cantà, chì ùn sò micca bonu

5- Fighjate mi stu fiore (ma perchè fiore di Paoli ?) Hè propiu endemicu di stu locu quì! Fora di u Cintu ùn si ne trova. Circate puru, s’ella vi pare.

6 Alè, circate quellu chì si hè ficcatu in sti lochi, trà mezu à l’endemichi.

7- Perniciotti di l’annu. (vidéo) https://www.facebook.com/100007267620269/videos/pcb.2837244499861110/2837239083194985

8- Cara ! Aiò, ùn sò belli sti lumi nantu à Selula, Ciuntrone et Cintu.

__________________________________________________________________________________________________________________________________________________________:

Una riferenza in a literatura d'oghje, in u libru di M.Biancarelli 51 PEGASI, astru virtuali:

Mentri l’anni chì siguitetini, l’aienti presini l’abitùdina d’ùn passà micca davanti à a casa Serra à certi ori. Si parlaia di malifiziu, di locu vardatu, si burbuddaia chì certi cosi erani stati intesi, certi soni chì oimedda ! Si parlaia di canti di l’Altru Mondu chì cuddaiani da a càrciara, d’una luci dèbbuli è furtiva daretu à una lucarna. È si dicia, ma calendu a boci, chì uni pochi d’èssari, chì nimu duvia fighjulà, prigaiani in una lingua incunnisciuta pà u ritornu di u so maestru : un nannu malfattu è priculosu…