Versione :

A puisia di a cosa

A cosa ùn hè difinita da u volumu
O da a forma.
I cosi ùn cunnoscini
U parametru di u nienti o di l’immensu,
Amicu meiu !

U valori di i cosi hè in u svilà si
In a so pruntezza
Micca in I cantari è grammi

A cosa hè un misteru
L’upacità di u so codici và
Finu à u ghjornu di u Ghjudiziu
Quandu si sbiddica di a risa
U scemu- da u zelu di l’intelligenti !

A cosa hè un simbulu
Chì ci ni semu scurdati tutti
Ciò chì prima s’intindia.

Hè un segnu chì ùn palisa u so sensu gravi..
Hè impussibili dunqua induvinà l’enimmi
Chì al di là di u segnu
Asistini.

A cosa : una cosa
Hè ancu nudda
Ramminta u struzzu
Hè aceddu
Ma ùn bola…

A cosa : nì mali
Nì bè !
Ma superficia di u spichju
Induva a guffezza è a biddezza sò uguali
Par u spichju u ghjucondu
Hè tali u funebru
È no ci vinimu
À baddà vi davanti cù i nosci ombri

È par avvicinà i cosi…
I cusmetichi
È I buttighji di prufumu

A cosa
Un libru sanu
Quandu hè nantu à u parastaghju
Diventa di storia
Ùn lu saparani utilizà
I littori chì ùn sani
Leghja u suttintesu.