In carrughju toiu

c’era una volta

Ogni ghjornu
à pian’ di tarra
à passi longhi è ben tirati
tù
fali

Ogni sera
à pian’di celu
à passi corti è mal calzati
eiu
collu

Simu vicini
E puru
stemu luntani

L’ombra, asconde tanti periculi ?

Fermati un ghjornu , un’ora
una stonda
stà à sente :
filetta d’altrò mi vogliu
arradicà
quì

Ascolta :

E vistighe parlanu à chì vole sente

Passatu l’ombra
a porta sempre aparta
pare in aspettu di furesteri

U cacciafora , ellu
Ricordu di serenate
Finestre , ghjelusie chjose
Si manghja
U sole sanu

In carrughju meiu
ci hè una volta .