L’Antichi si eranu accorti chì a cennera vulcanica face a terra più pruduttiva. In i lochi ingiru à i vulcani, pè a vegetazione ci hè un modu particulare di spianà si è dinù di cultivà la, nantu à trè piani. Da una certa altura secondu à ogni vulcanu, a terra hè sterile per via chì a cima hè troppu carca à cennera o fatta à petra nuda. In quantu à l’Etna eccu cum’ellu dice Strabone u geografu: Quassù, e terre sò spugliate, michjate di cennere è cuparte à neve d’invernu.

Hè vera chì a passighjata custindi hè fatta da pudè cunvince ancu i più chì resistenu. Quasi quasi, quandu si atteppa, à pocu à pocu ùn si sà più da terra à cele, o puru da oghje à eri... Un sintimu stranu è affascinante di avè francatu i limiti...

Una à pressu à l’altra, generazione di gran viaghjadori, scrivani è archeolughi anu cuntribuitiu à a nuturietà di Taormina. Oghje campa per via di u turisimu. 

TAORMINA È L’ARTISTI

A PUPULAZIONE DI A SICILIA

A - INTROITU

Bona, sapete ciò ch’è no puderiamu fà?

1) Quanti abitanti hà a Sicilia ?

2) Chì conta u racontu di u “Grembiu di a donna di Pietrapierza” ?

3) Chì significatu hà issa metafora per l’identità siciliana ?

4) Una cria di lessicu :

Circate i significati di
                              grembiu
                              scuzzale