Ragiunata
In Pisa

Leria : Sintiti. À nantu à a guida ni parlani. A chjamani « A torra pendente »
Maria : Ùn ci hè bisognu à leghja à nantu à i libra chì basta una uchjata !
Marcedda (tarrucchendu) : Si vedi subbitu ch’idda pendi postu chì ti veni subbitu u turcicoddu
Maria: Hè par quissa ch’iddi viaghjani tutti incù u coddu stortu !
Leria : Ma feti la finita ! Sapeti ch’iddi a contani trà i maraviddi di u mondu ? Chì maravidda sta piazza! Un miraculu ! Porta bè u so nomu : « Piazza di i Miraculi ».
Marcedda: « Piazza dei Miracoli »  si dici in talianu.
Marcia: « Piazza dei Miracoli » « Piazza di i Miraculi ». Ùn a socu ciò ch’è vo ni pinseti voi. Eiu più và è più t’aghju a imprissioni ch’iddi sò quasgi listessi u talianu è u corsu…