Versione :

SPASSIGHJATA NANT’À U GR.20

1-Sedecesima ed ultima tappa di u chjassu miticu di tamanta spassighjata di a Corsica. Quelli chì compienu venendu da nordu scontranu à l’altri chì ghjunghjenu da Sudu. I nustalgichi barattanu i so parè di sperimentu cun quelli chì per elli hè a prima volta. Tandu sò varie emuzione spartute nantu à u chjassu. Un’ultima ghjurnata in falata chì in issu mentre a friscura di l’altura laca u postu à u calore di a piaghja.

2-Certi averanu un aviò o un battellu da piglià, l’altri un carru o un tassi. È po’ l’ultimi si anu da pisà à l’alba solu da prufittà di l’ultimu pisà di u sole nant’à u GR 20. Un spettaculu chì omu ùn si ne puderà scurdà... s’è i nuli lacanu fà. I primi ragi di u sole mettenu culori nantu à u tafonu chì hè sopr’à u rifugiu di Paliri. Ascalda u pentone è, cù issa guazza matinale, nascenu i nulucci chì ùn stanu tantu à pisà si longu à i tipali à piccu.

3-Quelli ch’averanu prufittatu di a musica sinu à tardi in a nuttata, anu da esse distati da u ribugliu cagiunatu da u pisà di u sole nantu à l’aghja di bivaccu. À l’iniziu, u chjassu hè sempiice à bastanza è porta i marchjatori in una pineta circundata di punti di scogli magnifichi. Ghjunti à a prima piccula bocca, omu scopre l’estremu punente. Basta e muntagne à voline più, avale u più sò e cullettule, e piaghje è e marine..

4-Issa tappa, s’omu a cunnosce essendu una falata longa ver’di u paese di Conca, ci hà da vulè quantunque à incalcà nantu e so cosce in parechji lochi. A prima cullata, pocu tecnica ma sticchita, ramenta puru à tutta a persona ch’elli sò avà sedeci ghjorni ch’omu face sforzi pè issi chjassi ritti ritti. Omu si sfiata più prestu, si hà sempre sempre e pene in i musculi è u saccu, in issa fine di sventura, hè troppu pisiu, qual’ellu fussi statu partendu u so pesu.