Isule ghjalate
è isulani muti
tagliati in piantapedi
chi stanu pè i scogli
stagliati ind’è u scogli
sunnieghjanu di viaghjà in a fanga
di falà in dinochje di fronte à una statula di terra
di vangà senza fà un miraculu,
senza spulà e petre in l’aria

inturniate à prufundezze ghjalate
tagliate da l’origine di a petra
da I silenzii di l’altu mare
pezzi affundati
di rasgina indurita
l’isule si intimichiscenu
fughjenu omi è rete
ritrosi pè l’amore.
Fronte strinte sulcate,
scarpillinate di a faccia, ripate ripide
è strinte ch’è no schisiemu.
cù misteriosa avvinta.
Paglicciu spapersu di l’altupianu
brusgi di l’abissi turchini
si anu cacciatu l’ochji è l’arechje

voganu à nome di l’erbe è di e seppie insunnulite
u mare e schjaffitteghja
è u sole e si brusgia
ne parenu tanti visi.
Ghjacenu senza piantà al di là di u mare
ùn si chjamanu innò
chì volenu esse infilate ingiru à qualchì collu
fatte à cullane di zampe è di pinze
di granci.

Ad a mamma è a dea,
à quella chì ne ghjunghjenu
ùn anu idea di vultà
à u pettu inguizzitu.

Cum’elle sò cascate si ne stanu.
Vita spezzata
Serene è mute in a sulitudine
stinzanu l’ombra di u ghjornu
ci giranu l’ochji à l’insù
voce ghjalata è secca
arghita in sempiternu.