Voglia di vaghjime

Traduzzione da

Ah! S’o pudessi capì u vaghjime!
Gialli cusì diversi è numerosi
chì cascanu è ammantanu a terra.
A statina vene faciule,
cù u so spetaculu di sole sopr’à u turchinu.
È u veranu dinù, cù e so cullane
di pampasgioli è di cucchi
è di garofali salvatichi.
Ah! S’o pudessi capì u vaghjime,
e so tinte gialle chì cascanu ;
e so voglie à pocu à pocu, s’avanzanu
ver’di a neve, l’inguernu,
è u so orizonte di piombu.