Sò trè (o più) chì ripetenu un cantu polifonicu in una cappella.

Manu à manu, unu face una falza stecca. Piantanu tutti.

Chì ti piglia ?

Ùn ci la facciu più !

Ùn ci la fai più ? Ùn ai micca u dirittu d’arruinà cusì un cantu polifonicu sacru !

Ùn hè colpa meia, ùn ci la facciu più !

Cosa ai ch’ùn ci la fai più ?

Hè per via di l’elezzione...

Cosa ? Dipoi chì hà guadantu Gilles ùn poi più cantà...

Innò, pò. Ma canta falzu !

Micca Gilles. A merressa.

È chì n’ai da fà di a merressa ?

È po quand’ella hè stata eletta ai cantatu cum’è un scemu...

Iè ma tandu ùn la sapiu micca.

Cosa ùn sapii micca?

Perchè voi, ùn vi site accorti di nunda ?

Cosa ?

Ùn avete micca rimarcatu chì piove ind’a cappella.

Hà sempre piossu quì.

Iè hà sempre piossu ma noi ci avemu fattu tutta l’estatina.

Avemu cantatu.

È per cosa avemu cantatu ?

Pè u tettu di a cappella... Mì chì hè vera...

È ci piove sempre.

Ùn hè micca perchè chì avemu cantatu ch’ùn hà più da piove ind’a cappella. Prima ci vole à fà i travagli.

Sicura, ci vole à fà i travagli !

È i soldi pè i travagli ?

È bè avemu cantatu è avemu datu i soldi à a merria...

Eccu ! È a merressa hà fattu fà l’enrobé per cullà in casa soia è ùn ci hè più soldi !

È cumu a sai ?

A mo mamma era à a scola cù a merressa...

Cosa ? Avà vò è li sciappu u musu !

À a so mamma ?

Innò à a merressa !

Innò, state mi à sente dopu meziornu hà da fà una reunione publica pè a rumenzula.

Cosa hè a rumenzula ?

U mullizzu !

Allora, ùn poi dì u mullizzu ?

Và bè, diceraghju u mullizzu. Allora andemu à issa reunione è mettimu a puzza.

Sicura, una reunione nant’à rumenzula, mettimu à puzza !

Serebbe megliu d’andà à truvà la avà ind’u so scagnu à a merria...

Innò, avà ci vole à finisce a repetizione...

Hè vera. Pigliemu à ....

Ripiglianu à cantà.