SPASSIGHJATA CÙ U BESTIARIU DI A FOLA
Spassighjata literarie è pedagogiche
*QUALESSI SÒ L’ANIMALI...?
CLICCATE U MAIL SOPRA è sentite u SONU 1 da 00.54 à 02.46
B.A.: Qualessi sò l’animali chì rivenenu u più è chì sò più impurtanti in la simbolica?
T.F.: Allora i Corsi ammentanu animali chì ùn esistenu micca, chì ùn ci sò micca, cum’è in Africa o in l’altri lochi, ma l’animali chì rivenenu i più, chì rivenenu i più u più in a simbolica sò animali dumestichi, mansi di tutti i ghjorni. Bon ci hè u, dicereremu u più chì rivene ci hè u ghjacaru, u cavallu, u ghjattu, u cignale, a volpe dinò, ma dopu certi animali più chjuchi, bestioli, l’apa... è cetera
B.A.: Ci hè un raportu... mi pare... strettu trà certi animali com’è u ghjacaru è u cignale incù a morti...
T.F.: Sò in raportu strettu mi pare trà certi cù a morti, certi animali sò dette cù una parolla un pocu scentifica, i da psicopompa, vene à dì accumpagnani... sò quì pè accumpagnà l’anima di i morti... di u mortu...in u mondu di i morti. Hè par quissa chì què si ritrova ind’è parechje fole. Truvete sempre a prisenza di u cavallu. U cavallu hè impurtante –in Corsica era più chjucu- ma è sempre quì pè accumpagnà l’anima di i morti... è cum’ellu si dice “Chì và à cavallu hè sempre nant’à l’orlu d’un precipiziu” Dunqua hè un pocu l’animale di a limita. Ind’è parechje fole videte chì quellu chì hè gattivu hè tombu ... Hè à cavallu è hè tombu. Hè u cavallu chì u precipiteghja ind’è un astracone. Dunqua... un animale à bastanza impurtante. Dopu si pò dì ... dunque tuttu u mondu a sà chì u mazzere..hè ligatu à un animali chì u cignale u rapresenta un pocu parchì qualchissia chì sunnieghja è ind’ una caccia tomba un animale è quand’ellu u volta –à spessu hè un cignale- ma quand’ellu u volta vede a faccia di una parsona ch’hà da mora o à quale hà da accade qualcosa, ma micca sempre. Quissa hè a fola più cunnisciuta par qualificà u mazzere.