A Osil

Te vëije da dedora
esilià te pensieres
che fej l'ëur
al guant di ani.
Te vëije da dedora
for daviërt ai vënc
cun i uedli da vedl
sluminan de lums plu grandes.
Te vëije da dedora
scundù tl chiet dla sëira
cun l'ana sautan
la sieves dl cuer.
Te vëije da dedora
cun la lum dla mënt
nuet y di ti sautan dò
ala drëta Liedëza.
Aician n mumënt
tl'ana se gëura
i ciei dl tëmp
se descëida òra i lecorc:
cuntënc sciche fantulins
tl verzon dl'età
vëni a balé
cun i dis julei
che ne pudré nia desmincë.