Versione :
Corsu

Notre Père

 

Notre Père qui est aux cieux,
Que ton nom soit sanctifié,
Que ton règne vienne,
Que ta volonté soit faite en Méditerranée
et que les naufragés de Lampedusa soient sauvés,
Donne-leur aujourd’hui leur pain quotidien,
Pardonne les offenses que l’on fait à ces malheureux
comme nous pardonnons aussi à ceux qui les ont offensés
alors qu’ils venaient chercher chez nous la paix qu’ils n’ont pas chez eux,
Et ne nous soumets pas à la tentation de les rejeter à la mer ou de les renvoyer à leur misère,
Mais délivre-les du mal qu’ils ont à vivre,
Amen.


***

Dopu questa piccula preghera, ne vogliu prufittà per scrive una lettarella à Diu. Essendu chì certi volenu dì ch’Ellu esiste, benchè sia in dubitu, a li provu quantunque, ùn si sà mai.
Direttamente da mè à Ellu. Dicenu dinù ch’ella hè megliu à indirizzà si à Diu chè à i Santi, dunque mi vogliu indirizzà à Ellu. Sfranchendu mi di tutta a ierarchia di Preti, Veschi, Cardinali è Papa. Questa hè una funa troppu longa è chì sà, a mo lettara si pò perde per istrada. Moltu più chì cù i Santi, ancu s’elli sò abbunati à Internet, elli sò capaci d’esse imbrancati apressu à tutte isse cunnerie di twiter, o facebook, o chì sà chè dinù, o à passà cumanda à Amazon, o vende è cumprà nant’à e-Bay…
Invece chì Diu, nant’à u so nulu biancu, sò sicuru ch’Ellu hè in lea cù Orange, ùn si ne pò dubità…


Dunque eccu a mo lettara :
"Mo Diu (pare ch’ella hè a spressione cunsacrata),
Ùn sò s’è Vo esistite, ma casu mai, feraghju cum’è sì. Ùn la Vi pigliate per à male, ma capite bè chì dopu tutti i puttachji chì correnu quì è quallà, si possi esse in dubitu. E gattive lingue, è ùn si ne manca, dicenu n’importa chè è ùn ci si capisce più un caulu cottu.
Dunque, aghju speranza chè Vo ùn serete offesu da a preghera chè aghju prupostu d’indirizzà Vi invece di l’anziana.
Anh, per u fattu, pare chì ancu Papa Francescu ne vole fà a mudifica, hè per dì… Allora, mi sò dettu chè mi ci pudia mette ancu eiu.
A situazione hè pessima per isse povare ghjente chì morenu annigate, è à mè mi facenu pietà. Ci n’hè statu abbastanza cù u Vostru Dilluviu di a Genesa è tandu, cù a Vostra santa pietà avete fattu opera cristiana è avete salvatatu ùn sò quante ghjente è animali cù u ben di Noè per amiragliu di a flotta. Ma oghje ne simu à listessu malandà.
Allora Vi pregu, o Sgiò Diu, fate qualcosa è ch’ella finisca sta cumedia chì l’omi i più putenti di u mondu o di l’Europa ùn arriescenu à disciuplicà. Issa mansa di catini cù e traccolle, cù tuttu u so putere, i so soldi, i so battelli, i so aeroplani è eliccotteri, ùn ci la facenu. S’è Vo li mandavate una squadra d’anghjuli per piglià li à calci in culu, forse si metterianu à fà qualcosa, nò, chì ne pensate ? Ma, avà chì ci pensu, l’anghjuli ùn sò fatti per mette si in barruffa cun l’omi. Elli sò fatti per cantà e lode in paradisu…
Tè, avà mi vene una idea : s’è Vo davate un ordine à tutti i Vostri ministri di u cultu, Preti, Frati, Veschi, Cardinali è ci mettissite à u cumandamentu u Papa cum’è generale in capu ? Tandu sì chì si puderia fà opara scelta !
Ùn si manca di cunventi, più aspessu bioti, per allughjà tutta issa povera ghjente. Quessa sì chì seria opera di carità !
Caru Diu, mi sò permessu questa lettarella, Vi ne dumandu scusa d’avè Vi disturbatu di e Vostre occupazione, chì ùn ne dubiteghju sò numerose, ma capite bè, issa calamità di vede tante povare ghjente more per un pezzatellu di libertà è una fettarella di pane, à mè mi crepa u core.
Voi chì site in celu, ascultate questa nova preghera, Vi ne ringraziu è Vi ne sò gratu. Avà, s’è Vo ùn esistite micca, cum’elli a dicenu certi miscridenti, allora tantu peghju per a mo lettara… sarà cum’è persa. Ma eiu a l’averaghju pruvata.

Guidu Benigni,
Pigna, in Corsica.