MESQUIDA Biel

Biel Mesquida hè natu in Castelló de la Plana in u 1947. Hà toccu tutti i generi literarii: nuvelle cun Self-Service, El bell país on els homes desitgen els homes, Som l'altre, rumanzu L'adolescent de sal, Puta Marès, Doi, Excelsior o el temps escrit, Vertígens è a puesia cun The blazing library è a prosa critica. Una persunalità generosa assai, un dinamisimu mai stancu. Hè l’anima di issu Festivale di a Puesia Mediterranea. I lettori fidati di u CCU si ricurderanu u so Remake amb amoret al fons di prima publicatu in catalanu ind’è Doi (Empiries, Barcelona, 1990) è dopu ind’è Isule literarie/Des îles littéraires (Albiana-CCU) chì era statu traduttu in francese da Carolina Louis i Parraguirre è in corsu da Maria Anna Versini.