DA L'AUSTRIA SIN'À L'ISULE BALEARE

Urigine :
Unu di i figlioli di Leupoldu II di Habsbourg – Lurrena, Principe Imperiale d’Austria chì abdicheghja in u 1859 à prò di u figliolu Ferdinandu IV.
Luigi Salvator ùn currispundia mancu à pena à ciò ch’ellu si pensa di unu di a sterpa nobile di i Habsbourg. E so passione è primure, e Scenze naturale è l’arte di a navigazione, sò una cosa chì stupisce, trattendu si di unu di l’alta nubiltà.
Cumu u babbu si era smessu à favore di u fratellu è chì d’altra parte a Tuscana austriaca era stata appicciata à u Piemonte Sardegna, si pobbe dà senza inciampu à ciò chì li garbava.
Giovanu giovanu misse à viaghjà è à scrive ciò ch’ellu risentia da issi viaghji è, in u 1867 eccu lu pè a prima volta à e Baleare. Hà vinti anni. L’arcipelagu li face un’impressione chì ùn si pò dì. Da 1872 à 1913 stà in a prupietà di San Marroig vicinu à Deià, a primu locu ch’ellu cumprò ind’è l’isula è duv’ellu scrisse a so opera maiò : « die Balearen ». U so yacht, la « Nixe » era à l’ancura più inghjò, di fronte à e calanche di Foradada.
Dice u scrittore maiurchinu Lluis Ripoll chì l’arciduca ti avia sempre à pressu una mansa di omi è di donne, di ghjatti è di ghjacari, di papagalli, scimie è tanti altri animali chì ci era da fà pensà à l’Arca di Noè.

U primu « verde »
L’Arciduca fece assai pè a cunservazione di l’ambiente isulanu. Nè lasciava ammazzà bestie nè lacava taglià l’arburi. L’abitanti ci truvonu i so tornaconti chì lacavanu corre a vuciata ch’elli avianu l’intenzione di taglià l’arburatura in un boscu ed ellu, subitu subitu, li cumprava u locu senza tirà u prezzu. question sans en marchander le prix.
Trà e so prupietà e più impurtante eranu: Miramar, Son Galcerán, Son Marroig, Son Moragues Son Ferrandell, Son Gual, Son Gallard, sa Font Figuera , sa Pedrissa, Can Costa. In ogni locu fece fà tanti travaglki è creò tanti è tanti belvederi.
Misse subitu subitu à campà cum’è a ghjente di u lucale. Parlava è scrivia u maiurchinu è fece assai pè a nomina di u più scrittore catalanu più maiò, Raimondu Lull, (1235-1316).

Catalina Homar
In u 1872, cumprendu a prupietà di Miramar, Luigi Salvator cunnobbe à Catalina Homar, una giovana nativa di Valldemossa, figliola di un bancalaru.
A giovana ùn stete tantu à fà si à issa vita nova ; amparò francese, talianu è tedescu è accumpagnò sempre l’arciduca, ver’di l’isule iuniane, Custantinopuli, a Palestina l’Egittu ed e parte di a costa africana.

« À a Jules Verne »
Luigi Salvator si fece un giru di u mondu in cinque mesi, partendu da a Mostraa Universale in Melburna è chjappendu pè u canale di Suez, Ceylan, l’Oceanu Indianu, l’Australia, l’Oceanu Pacificu, u continent Nordamericanu, New York, Liverpool, è dopu turnà in Maiorca. Issu giru tamantu è u racontu ch’ellu ne fece stampà in u 1881 facenu pensà à u libru di Jules Verne Le tour du monde en 80 jours (1873). D’altronde unu è l’altru fecenu cunniscenza è Jules Verne ludò u libru di Luigi Salvator.

A munugrafia di E Baleare
E Baleare, illustrate è cumentateÈ (« die Balearen in Wort und Bild geschildert ») sò sette vulumi publicati in l’edizione Brockhaus in Leipzig trà u 1869 è u 1891. Hè una fonte impurtante d’infurmazione culturale è storiche di tradizione baleare. Hè un travagliu fine, precisu è ducumentatu bè, senza pregiudiziu.

Un patrimoniu salvatu
Hè statu unu trà i primi à prumove u turisimu in E Baleare, ma si diceria oghje « Un turisimu di qualità ». Durante I so ultimi anni, fece fà una Posada nantu à u stradone di Deià. U stabilimentu accuglia qualunque viaghjatore per trè nuttate. L’allusingu generale vense per via chì tuttognunu appassiunatu pè a natura sapia quant’ellu curava a fauna è a flora di e so prupietà. Oghje chì ghjè oghje, à chì vole pò pedighjà ind’è l’andati di a Serra Tramuntana, si ricorda di quellu chì fù “Rè di Maiorca”.