DA CATALOGNA: Jordi BUCH presenta La última mujer

Scontri di 29.09.2013

Antonio CORSARCATA publicheghja un altru rumanzu

    U scrittore Jordi BUCH I OLIVER hè a parte catalana di Antonio CORSARCATA, quellu “giovanu rumanzeru mediterraneu” chì scrisse cun G.Thiers è A.Arca è publicò pochi mesi fà Quandu sò spenti i lumi (ALBIANA-CCU, 2012).

    Jordi BUCH  (Mataró - Barcelona, 1957) hè scrittore, giurnalistu è musicistu. Hà publicatu in i Stati Uniti, Israele, Italia è Argentina.
    Travaglia in a stampa scritta è i media: Correo Catalán, Avui, Canal 13, è cet... Trà altre publicazione di soiu ci hè da nutà: Per les vores de dues pells (La Busca Edicions, 2004), A trenc d’Alba (La Busca Edicions, 2006), Montilla de emigrante a presidente (Europa Viva, 2008), Història misteriosa de España y Portugal (Europa Viva, 2008), Història d’Elena (Alill, 2010), Massa gent a dins l’armari, (Alill, 2010).
    Jordi BUCH hà presentatu u libru publicatu à Parnass Ediciones cù a scrittora uruguaiana Ana SOLARI. La última mujer conta a storia accaduta in u 1959 di Manel, scittore catalanu, una giovana veduva taliana. Manel, dillusu da u so matrimoniu è cuntrariatu da a Spagna franchista, parte in Tuscana à circà a donna ch’ellu hà sunniatu da tanti mesi. L’hà da truvà in a piccula cità di Lucca è subitu subitu... s’innamoranu tremindui.

     Tanti anni dopu, un Manel invechjatu assai è solu solu, conta i so ricordi, una passata chì l’hà cumossu tantu...
 

Visionner la vidéo