Versione :
Corsu

Un' età d'oru di a literatura corsa? - Mattea Casanova

Un' étà d'oru di a literatura corsa?

Mattea Casanova dice dui di i so puema.

Briacu u battellu ?
Venacu, ghjugnu 2002

 

Briacu issu battellu
Chì voca
Nant’à l’onda ?

Hà strappatu a catena
È fughje cum’è un scemu
Di sciume infrisgiulatu

U mare l’accarezza
L’acelli u circondanu
A sera un ventulellu
Annanna e so vele

Battellucciu briacu
Pianta quì una cria
È facci sente u soffiu
D’issu pueta persu
In li fiumi luntani

Circava u so mare
Per lampà ci un battellu
Legeru
Cum’è una farfalla
Veraninca