Una traduzione d'un testu trovu nant'à Internet ch'aghju fattu è dopu lettu durante u scontru d'eri. ️

Ci serà una vita dopu,… a nascita ? 

Dui picci parlanu in u corpu di a mamma.

È tù, ci credi in a vita dopu à u partu, dopu à a nascita ? 

Bella sicura ch'o ci credu !  Noi simu quì per cresce è preparà ciò chì ci aspetta dopu. 

Pffff... sò scemità, ūn ci hè nunda dopu à a nascita ! Chì saria a vita fora di u corpu ? 

Ebbè, si ne sente poche nant'à a  l’altra parte ! Dicenu ch’ellu ci hè assai luce, assai gioia è emozione, millaie di cose à campà. Per esempiu, pare chè no manghjeremu cù a bocca. 

Po po po Tamanta tuntia !  Avemu u nostru cordone umbilicale è hè ciò chì ci nutrisce. Tuttu u mondu a sà. Ùn manghjemu micca cū à bocca ! È ghjè sicura, ùn ci hè mai statu nimu chì ghjè riturnatu di st'altra vita, dunque sò tutti puttachji di nucenti. 

A vita finisce sempliciamente à a nascita. Hè cusì, ci vole à accettà. 

O vai, lasciami pensà altrimente.  Ūn sò micca esattamente ciò chì a vita dopu à a nascita serà per noi, è ùn ti ne possu dà a prova. Ma mi face piacè di crede chì in issa vita à vene, videremu a nostra mamma è ella ci curerà  ! 

Mamma? Voli dì chì credi in "mamma" ???  È induve si trova ? 

Ma in ogni locu, vedi bè,  intornu à noi ! Simu fatti d'ella è hè grazia à ella ch'o simu in vita.. Senza ella, ùn seriamu micca quì.  

Senti, ūn aghju mai vistu una mamma, cusì hè evidente chì ùn esiste micca ! 

Ghjè u to puntu di vista  ! Eiu ci credu, perchì qualchì volta, quandu tuttu diventa calmu, si sente quandu ella canta. . Sò sicuru chì a nostra vita vera cumminciarà dopu à u partu, à a  nascita.