DE ZERBI Ghjorghju

Ghjorghju DE ZERBI hà oghje a sessantina. Hè di un'antica famiglia di Bastia è di U Boziu. Hè statu durante una trentina di anni prufessore di lingua è civilizazione taliane. Appassiunatu pè l'arte lirica è ellu stessu cantante è tutti cunnoscenu a so bella voce di tenore chì ribomba ind’è l’oratoriu di Santa Croce o in San Carlu.
Cunsigliere municipale in Bastia, hè statu numinatu in u 2008 delegatu pè a a cuuperazione trasfruntaliera è, cù issa carica, li tocca à curà l’azzione internaziunale cum’è quelle di i prugrama « Interreg » è aiutà ch’elli si sviluppinu e relazione è baratti trà Corsica è Italia.
Hè dinù appassiunatu pè a lingua è a cultura corsa ed hè statu, à issu titulu, unu trà i primi chì fecenu e lezzione di lingua corsa. Hè per quella chì stu primu rumanzu in lingua corsa hè opera di unu chì ammaestra in modu perfettu a dicitura in lingua nustrale.