Versione :

DA CORSICA: A morte di Filicone

A morte di Filicone

(Paroles : G. Grimaldi - Musique : Traditionnel*)

Audio
Chant : R. Chiorboli
Accompagnement : F. Andreani

A morte di Filicone
Quant'ella m'hà datu pena
Sò ghjunti li cacciatori
Da lu Pricoghju d'Arena
Ancu quelli di u Fiumorbu
È di Serra di Scopamena

O quand'elli a senteranu
I cacciatori in Casinca
Ch'ell'hè mortu u mio Filicone
À lu pede di una listinca
N'hè mortu bell'onoratu
C'un cignale capu à capu

Cignale di trenta chilò
Ti lu caccemu di bocca
È ne fecimu le parti
À lu collu d'Arcarotta
Ci si truvava incù noi
Ghjambattista Cocca Cocca

Ancu u mio ziu Ghjan Filippu
Quandu intese issu rimore
Attaccò un calessinu
È si rese à l'Albitrone
Per fà parte di li duveri
Chì era mortu u mio Filicone

A morte di Filicone
Quant'ella m'hà datu pena
Sò ghjunti li cacciatori
Da lu Pricoghju d'Arena
Ancu quelli di u Fiumorbu
È di Serra di Scopamena.