SUCIOLINGUISTICA - Niculaiu Sorba
Cumenti è parè
“Stu modu di pinsà a lingua com’è l’essenza di u populu hè sprupusitatu ind’è no.”
À chì ghjuverà a suciolinguistica? Chì ne seranu i fundamenti è l'impegni in a sucetà, in particutare per a lingua corsa ? ln u so Iibru « A suciolinguistica, impegnu è utitità suciale »* publicatu da l'edizione Albiana cù u CNRS è l'Università di Corsica, arreca tutte e risposte Niculau Sorba in giru à sta scenza à spessu scunnisciuta ch ì studieghja e lingue in u so ambiu suciale. Insignante cercadore è maestru di cunferenze à l'Università Pasquale-Paoli, hà dinù una vuluntà di dà un versu scentificu à a lingua corsa è di participà l'elaburazione di e putitiche linguistiche. Chì à u suciolinguistu, dice u prufessore, li tocca dinù à prupone mezi da rinvivisce e lingue.
- lnterrugate in u libru a funzione di a suciolinguistica. Chì serà, in corte parolle, I'utilità suciale di sta scenza ?
Unu di l'elementa ch'e vuliu fà risgiodda in stu libru hè propiu l'utitità suciali ch'iddu devi circà u suciolinguistu. Veni à dì chì a so ricerca devi pruvà à risponda o à purtà elementa di risposta à un prublema suciali.
Ciò chì, ben'intesa, ùn l'affranca di tuttu u seriu è l'unistità ch'iddu suttintendi un travaddu scentificu. A suciolinguistica s'hè sviluppata in l'annati 1970 in Auropa incù una critica di a linguistica strutturali è studiendu a vita di i lingui in i sucità. Ci hè stata una presa di cuscenza di i raporti stretti trà i nuzioni di lingua, sucità, civilizazioni o cultura.
- Piglia in contu a suciolinguistica a cumplessità suciate, vale à di l'ambiu induv’elli campanu e lingue è i lucutori. Si puderà dì tandu ch'ella hè una scenza trà a linguistica è a suciolugia ?
A suciolinguistica cunsidarighja a lingua com'è un fattu suciali, dunqua di parlà hè naturali ma a forma linguistica - a lingua o a varietà di lingua - chì s'impiega dipendi di u so ambiu suciali. A pusizioni disciplinaria di a suciolinguistica hè un vechju dibattitu ancu à compia. Sarà linguistica, suciulugia, un'interdisciplina o una disciplina sana sola. U me parè hè datu in u libru, pà mè hè oghji una disciplina sana puri si a suciolinguistica t'hà bisognu d'interdisciplinarità in i so dimarchji scentifichi.
- Dapoi u Riacquistu di l'anni settanta, a lingua corsa ùn hè più solu un mezu di cumunicazione ma dinù a nuzione maiò da definisce l'identità isulana. Cumu hè spuntata sta raprisentazione nova di a lingua inde a sucetà, puru s’ella ùn hè una specificità corsa ?
Dapoi u muvimentu di u Riacquistu, ci hè stata una custruzzioni ideulogica. Sta lingua, chì era annigata in u talianu, hè duvintata a cundizioni di l'asistenza di u popu[u corsu. Ciò chì ùn era micca u casu nanzi. S'hè ancu sviluppatu u mottu « morta a lingua, mortu u populu. »
Stu modu di pinsà a lingua com'è l'essenza di u populu hè sprapusitatu ind'è no.
Eppuri, si sà chì tanti populi o paesi ùn ani una lingua ricunnisciuta com’è spicifica è sfarenti da quidd'attri. ln Corsica, duranti u periudu curtu di l'indipendenza, a lingua ufficiali, quidda usata da l'amministrazioni di Pasquale Paoli, ùn era u tuscanu!
Eppo', a lingua corsa franca u mari, si parla ancu in a Sardegna vicina. Fariani parti di u populu corsu i Gadduresi, par asempiu ? Mi stunaria chì l'abitanti di u nordu di a Sardegna o i maddalenini ricusessini di rivindicà si Sardi pà essa Corsi. Pà u corsu st'ideulugizazioni hè stata, è hè sempri, unu di i mutori i più putenti di a so rivitalizazioni.
Unu di i cuncetti maiò di a suciolinguistica hè a diglussia, quandu parechje lingue campanu incù una ierarchia nant’à u listessu territoriu, cum'è u corsu è u francese chì li hà pigliatu a suprana. AI di là di discrive sta situazione, chì arnese pò arrecà sta scenza per risponde à sta prublematica ?
- A diglussia hè « u cuncettu » chì hà pupularizatu a suciolinguistica. Infatti, à nantu à un stessu tarritoriu, a duminazioni suciali di una lingua à nantu à un'antra incù, pà ugni lingua, funziunalità sfarenti, hè qualcosa chi si ritrova propiu suventi.
Quiddi chì difendini i lingui minurizati com'è u corsu si sò ritrovi in stu cuncettu chì parmetti d'idintificà i situazioni diglossichi. Ma idintificà ùn basta micca. À u suciolinguistu, li tocca à prupona meza da fà rinculà a sparità custattata di i lingui. Prima, fendu ni piddà cuscenza à a sucità è, dopu, pruvendu à sviluppà a lingua minurizata in tutti i settori di a sucità, è insistu à nantu à u «tutti.»
- Cumu pò participà a suciolinguistica à dà à a lingua corsa un versu più scentificu è à fà unepoche di pruposte per rinvivisce l’usu di a lingua inde a sucetà ?
Sciuvarà di scriva in corsu un libru di stu tippu ùn hè micca un attu neutru, hè sigura. T’aghju sta vutintà di prumova u corsu dendu li dinò un versu scentificu chì ùn mi pari abbastanza sviluppatu. Una lingua hè un insemu cumplessu è multiplici. S'è no vulemu rivitalizà u corsu, ci vò à tuccà tutta sta multipticità da i discursati fatti in casa à quiddi fatti in i loca più furmali. U duminiu scentificu hè un settori com’è un antru, a pratica di u corsu si devi fà ancu quì.
U suciolinguistu s'intaressa da vicinu à i pulitichi linguistichi è s’iddu n’hè à l’elaburazioni, à parè meiu, hè ancu meddu chi issendu spicialistu di a quistioni, i prublematichi di u tarrenu i cunnosci binissimu.
* A suciolinguistica, impegnu è utilità suciale, Niculau Sorba, edizione Albiana - LJniversita di Corslca – CNRS, 128 pagine,15 eurò.