Nicolas Battini, Pierre-Paul Salviani, Petr'Antò Filippi et Jean-Charles Villanova ont fondé Palatinu.
JEANNOT FILIPPI

Corti : Palatinu vole fà a Storia di Corsica ammanita per tutti

Par: Morgane Quilichini

Publié le: 07 décembre 2021 à 20:00 Dans: Corse-MATIN Culture - Loisirs / Associations

1 / 1

Si chjama Palatinu è s’ella hè nata pocu fà hè infatti solu ch’ella vene da un prugettu chì t’hà digià i so anni.

À u capu ci si trova a leva nova di u militantisimu culturale. Sò giovani diplumati indiati chì inde è voglie ne anu tantu è più. Niculaiu Battini, Petru Paulu Salviani è Petr'Antò Filippi facenu u scagnu.Sò storichi o prufessore di corsu è a so indiatura ùn hè d’eri. Oghje, si impegnanu in una ventura nova.

"In i mistieri, e passione è e furmazione ch’è no avemu, ci hè qualcosa chì và cù a cultura, e tradizione, u patrimoniu…  Issu prugettu hè natu indrentu à a facultà è adunisce dinù universitarii cume Ghjuvanni Castela chì ci sequita da vicinu, è po dinù appassiunati di Storia ch’ellu si hè aggruppatu. A nostra logica hè di vulgarizà a Storia di a Corsica. D’altronde micca solu a Storia, ma tuttu ciò chì hà qualchì leia cù u patrimoniu ed a cultura, chì tuttognunu ci pudessi cusì avè l’accessu.

Ghjurnata speziale da l’8 di decembre

Issa vuluntà si hà da pudè cuncretizà cun l’urganizazione di cunferenze, in a participazione di Palatinu “à unepoche iniziative culturale è patrimuniale”, in particulare à latu à l’associu Praticalingua, ma dinù altri.

À puntu, Praticalingua hà da esse un partenariu di primu postu. Difatti e vuluntà è l’ogettivi vanu inseme. Ma hè dinù chì trà e duie strutture ci sò ligami: "Avemu parechji attori di l’associu impegnati ind’è Praticalingua, incalca Niculaiu Battini. Eiu è Petr'Antò femu parte di i fundatori nant’à Corti. Per noi, tuttu và inseme. A Storia, a cultura, a lingua... hè u stessu universu, a stessa matrice."

Prima azzione : una ghjurnata di cunferenze è d’iscontri pè A Festa di a Nazione, dumane. "A nostra azzione generale sarà cumu issu prugrama di l'8 di dicembre."

Per compie, i socii di Palatinu volenu ringrazià ..:" cun calore assai a quarantina di cuntributori digià impegnati cun noi, circatori, giurnalisti, militanti è amateurs appassiunati, senza dubitu manc’à pena chì a nostra andatura à prò di ciò ch’è no simu, cun l’aiutu è sustegnu di i Corsi fidati cù a so lascita hà da esse diviziosa, forte è prulifica".

9ore30 : A Guardia Papale Corsa è i Corsi à u serviziu di u Santu Sede, prisentazione d'Iviu Pasquali

Meziornu : spuntinu è scambiu cù l'Associu Robba Paisana

2ore : cunferenza nantu à e Mutazioni pulitiche in Corsica cù Andria Fazi

6ore : messa di a memoria à a ghjesgia di a Nunziata Lucale Praticalingua - Corti