Letizia :  Trovu chì Venezia ùn hè micca solu una cità. Hè… cumu dì ? hè, hè…
Marcella : Hè un sognu !
Letizia :  Hè propiu ciò ch’o vulia dì! Un sognu !
Maria : È po, ùn avemu vistu quasi nunda… U Canale maiò, dui gundulieri, i battellucci chì facenu u passa è veni da un scalu à l’altru…
Marcella : Ti scordi di a Basilica di San Marcu ! Duve a metti ? Hè un munimentu magnificu ! Cusì, si ne vede pocu…
Letizia :  Pare chì, à u principiu, ci eranu e ruine di duie chjese.
Marcella (scherzosa) : Cun duie ne anu fattu una : a basilica di San Marcu !
Letizia : Contanu chì si hè passata cusì : San Marcu era in viaghju versu Roma. Hè affaccatu un anghjulu chì li hà fattu vede u locu duv’ellu devia esse interratu…
Maria : (ironica):  S’è vo aviate pensatu à dumandà à Letizia prima di parte, ùn ci era statu bisognu di fà stu viaghju !